श्वेता तिवारीचे हॉट फोटो पाहून स्वत:ला रोखू शकला नाही पहिला पती, कमेंट करत म्हणाला...

मुंबई : छोट्या पडद्यावरील लोकप्रिय अभिनेत्री नेहमीच चर्चेत असते. कधी तिच्या कामामुळे तर कधी तिच्या व्यक्तीगत आयुष्यातील वादांमुळे. अर्थात कारणे काहीही असली तरी श्वेता कायम चर्चेत असते. श्वेता तिवारी सोशल मीडियावर खूपच सक्रीय असते. ती वेगवेगळ्या अंदाजातील तिचे फोटो इन्स्टाग्रामवर शेअर करत असते. त्यावर तिचे चाहते भरभरून कमेंट्स करत असतात. पण तिनं नुकतेच काही फोटो शेअर केले आणि या फोटोंवर तिचा पूर्वाश्रमीचा पती यानं कमेंट केल्यानं चर्चा होत आहे. श्वेतानं नुकतेच पिवळ्या रंगाच्या साडीतील काही फोटो शेअर केले आहे. या फोटोत ती फारच ग्लॅमरस दिसत असून चाहत्यांकडून लाइक्स आणि कमेंट्चा पाऊस पडत आहे. यातील एक कमेंट सर्वांचं लक्ष वेधून घेत आहे, ती कमेंट आहे श्वेताचा पहिला पती राजा चौधरी याची. ‘नेहमी प्रमाणेच सुंदर दिसतेय’ अशी प्रतिक्रिया राजा चौधरी यानं श्वेताच्या फोटोवर दिली आहे. श्वेतानं राजा चौधरीशी वयाच्या १९ व्या वर्षी लग्न केलं होतं. पण २००७ मध्ये या दोघांचा घटस्फोट झाला. श्वेतानं राजा चौधरीवर कौटुंबीक हिंसाचाराचा आरोप लावला होता. ज्यानंतर हे दोघंही वेगळे झाले. त्यानंतर श्वेतानं २०१३ मध्ये अभिनेता अभिनव कोहलीशी लग्न केलं. पण दुर्दैवानं तिचं हे लग्न सुद्धा फार काळ टिकलं नाही आणि श्वेतानं अभिनवपासूनही घटस्फोट घेतला. अभिनवनंही आपल्या मारहाण केल्याचा आणि धमक्या दिल्याचा आरोप श्वेतानं केला होता. दरम्यान, श्वेताने १९९९ मध्ये टीव्ही विश्वामध्ये पदार्पण केल. आज २१ वर्षांनंतरही श्वेता अभिनय क्षेत्रात सक्रीय आहे. श्वेताला २००१ मध्ये रिलीज झालेल्या 'कहीं किसी रोज' या मालिकेतून खऱ्या अर्थाने ओळख मिळाली. तसेच 'कसौटी जिंदगी की' या मालिकेतील प्रेरणा या व्यक्तिरेखातून ती घराघरात पोहोचली.

from Entertainment News in Marathi: Celebrity News and Gossips Online | Maharashtra Times https://ift.tt/3yNcKjE
https://ift.tt/3ySSPzU