रत्नागिरी: शिवसेना नेते आणि परिवहन मंत्री वादात आता नवा ट्विस्ट समोर आला आहे. भाजप नेते (Kirit Somaiya) यांना दापोलीतील साई रिसॉर्टच्या अनधिकृत बांधकामाबाबत रसद रामदास कदम किंवा इतर कुणीही नव्हे, तर आपण पुरवली असा दावा दापोलीतील आरटीआय कार्यकर्ते यांनी केला आहे. माहितीच्या अधिकारात मागवलेल्या कागदपत्रांसोबत आरटीआय कार्यकर्ते रिझवान काझी यांनी हा गोप्यस्फोट केला आहे. या सगळ्या प्रकरणाला आता नवीन कलाटणी मिळविण्याची शक्यता आहे.दापोलीत पत्रकार परिषद घेऊन त्यांनी ही माहिती दिली. या सगळ्या बाबत आपण मातोश्रीवर जाऊन पक्षप्रमुख उध्दव ठाकरे यांची भेट घेऊन याविषयी माहीती देणार आहोत असेही काझी यांनी सांगितले. प्रसाद कर्वे यांना सोमय्या यांचा मोबाईल क्रमांक आपण दिला त्यामुळे यासंदर्भात अत्यंत खालच्या पातळीवर राजकारण सुरू आहे ही माहिती आपण सोमय्या यांना दिली मात्र याचा राजकीय फायदा काहींनी उठवला आहे. माझा वाळूचा व्यवसाय आहे व काही पालकमंत्र्यांच्या जवळची लोक आपल्याकडून हप्तावसुलीची धमकी देतात असाही गंभीर आरोपही यावेळी केल्याने खळबळ उडाली आहे. कोकणातील रत्नागिरी जिल्ह्यात दापोली तालुक्यात मुरुड समुद्र किनारी असलेल्या साई रिसॉर्ट हे पालकमंत्री अनिल परब यांचे असल्याचा जाहीर आरोप भाजप नेते किरीट सोमैय्या यानी केला होता. या सगळ्याची माहिती सोमैय्या यांना शिवसेना नेते रामदास कदम यांनी पुरवल्याचा आरोप करण्यात आला होता या सगळ्या पार्श्वभूमीवर रिझवान काझी यांच्या दाव्यामुळे या सगळ्या प्रकरणात नवा ट्विस्ट समोर आला आहे.
from Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times https://ift.tt/3e6X9SA
https://ift.tt/3H2FTKF
0 Comments