वाराणसी : पंतप्रधान नरेंद्र मोदी आज आपला लोकसभा मतदारसंघ वाराणसीच्या दौऱ्यावर आहेत. पंतप्रधान नरेंद्र मोदी सकाळी ११ वाजेच्या सुमारास वाराणसीत दाखल झाले. राज्यपाल आनंदीबेन पटेल आणि उत्तर प्रदेशचे मुख्यमंत्री योगी आदित्यनाथ यांनी त्यांचे विमानतळावर स्वागत केले. श्री काशी विश्वनाथ धामच्या (कोरिडोर) पहिल्या टप्प्याचे उद्घाटन आज पंतप्रधान मोदी करणार आहेत. काश्मी विश्वनाथमधील पहिल्या टप्प्यासाठी ३३९ कोटी रूपये खर्च आला आहे. पंतप्रधान मोदी दुपारी १ वाजता श्री काशी विश्वासनची पूजा करणार आहेत. त्यानंतर जवळपास दीड वाजेच्या सुमारास ते काशी कॉरिडोरचे उद्घाटन करणार आहेत. पंतप्रधान मोदींनी काशीमध्ये येताच सर्वप्रथम काशीच्या कोतवालांची म्हणजेच काल भैरवाची पूजा-आरती केली. पंतप्रधान मोदींसोबत यावेळी मुख्यमंत्री योगी आदित्यनाथही होते. काशीच्या कोतवालाची परवानगी घेतल्यानंतर पंतप्रधान मोदी दुपारी एक वजता काश्मी विश्वनाथाची पूजा करणार आहेत. यासाठी देशाचे प्रमुख शंकराचार्य, महामंडलेश्वर, महंत आणि संतासह धर्माच्या सर्व संप्रदायांचे प्रमुख आणि मान्यवर काशीत पोहोचले आहेत. या लोकार्पण कार्यक्रमाचे ५१ हजार ठिकाणी थेट प्रक्षेपण करण्यात येणार आहे. वारणसीत पंतप्रधान मोदींचे नागरिकांनी जोरदार स्वागत केले. काशी विश्वानाथ मंदिर परिसरात पंतप्रधान मोदींनी नागरिकांना अभिवादन केले. असा आहे PM मोदींचा संभाव्य कार्यक्रम पंतप्रधान मोदी जवळपास ३० तास वाराणसीत असतील. काशी विश्वनाथ कॉरिडोरचे लोकार्पण केल्यांनतर ते शिव दीपावली पाहतील. त्यानंतर उद्या भाजप शासित राज्यांच्या मुख्यमंत्र्यांच्या संमेलनात संबोधित करतील. उत्तर प्रदेशचे मुख्यमंत्री योगी आदित्यनाथ आणि उपमुख्यमंत्री डॉ. दिनेश शर्मा आणि केशव प्रसाद मौर्य हे कार्यक्रमाचे आयोजक म्हणून उपस्थित असतील. नियोजित कार्यक्रमानुसार पंतप्रधान मोदी हे सर्वप्रथम काल भैरव मंदिरात पूजा-आरती करून दर्शन घेतील. तिथून ते खिडकिया घाटावर जातील. इथून क्रूजवरून ते काश्मी विश्वनाथ कॉरिडोर येथे दाखल दाखल होते. ललिता घाट येथे गेटवे ऑफ कॉरिडोरमधून प्रवेश करून ते काश्मी विश्वनाथ मंदिरात दर्शन घेऊन कॉरिडोरचे लोकार्पण करतील. यानंतर ते पुन्हा खिडकिया घाटावर येतील. तिथून ते वाराणसी रेल्वे इंजिन कारखाना (बरेका) येथील गेस्ट हाउसमध्ये जातील. आज संध्याकाळी ते क्रूजने दिव्यांनी सजलेल्या घाटांचे मनोहारी रूप आणि नयनरम्य रूप पाहतील. त्यानंतर पुन्हा ते बरेका गेस्ट हाउसला जातील आणि रात्री तिथे विश्राम करतील. त्यानंतर उद्या ते मुख्यमंत्र्यांच्या संमेलनात सहभागी होतील. जवळपास ४ तास ही बैठक चालेल.


from India News in Marathi: Breaking News India in Marathi | Maharashtra Times https://ift.tt/3F28K0I
https://ift.tt/3m1WkP0