काय सांगता! महाराष्ट्रातील 'या' शहरात करोना रुग्णांध्ये पुरुषांची संख्या अधिक

म. टा. प्रतिनिधी, औरंगाबादः करोना संसर्गाच्या तिसऱ्या लाटेत रुग्ण संख्या दररोज वाढताना दिसून येत आहे. सहा दिवसात रुग्ण संख्येने २७६ वरून ४२३पर्यंत मजल मारली आहे. वाढत्या रुग्ण संख्येत पुरुषांची संख्या जास्त असल्याचे महापालिकेकडून प्राप्त होणाऱ्या अहवालातून स्पष्ट होत आहे. ओमायक्रॉनचा प्रादुर्भाव आणि करोना संसर्गाची तिसरी लाट यामुळे करोनाबाधितांची संख्या वाढू लागली आहे. रुग्णवाढ काही पटीत असल्यामुळे प्रशासन देखील सतर्क झाले आहे. आढळून येणाऱ्या रुग्णांमध्ये लक्षणे नसलेल्या किंवा सौम्य लक्षणे असलेल्या रुग्णांची संख्या जास्त आहे. त्यामुळे जास्तीत जास्त रुग्ण गृह विलगीकरणात आहेत. वाचाः करोनाबाधितांच्या संदर्भात महापालिकेच्या आरोग्य विभागाकडून दररोज माहिती दिली जाते. या माहितीनुसार दररोज आढळून येणाऱ्या रुग्णांमध्ये पुरुषांची संख्या जास्त आहे. नोकरी-व्यवसायाच्या निमित्ताने पुरुषमंडळी बाहेर फिरत असतात, त्यामुळे करोनासंसर्गात त्यांची संख्या जास्त आहे.

दिनांक	एकूण रुग्ण	पुरुषांची संख्या	महिलांची संख्या
१० जानेवारी	२७६	१६४	११२
११ जानेवारी	२८५	१७०	११५
१२ जानेवारी	४१०	२५५	१५५
१३ जानेवारी	३८२	२५३	१२९
१४ जानेवारी	४०१	२९२	१४९
१५ जानेवारी	४२३	२६५	१५८

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3FsfNiJ
https://ift.tt/3nvXEud