'८३' सिनेमाला बॉक्स ऑफिसवर संमिश्र प्रतिसाद; पुष्पा ,स्पायडर मॅनशी तगडी स्पर्धा

मुंबई: चा ८३ सिनेमा शुक्रवारी चित्रपटगृहांत प्रदर्शित झाला. बॉक्स ऑफिस इंडियाने दिलेल्या रिपोर्टनुसार या सिनेमाला पहिल्या दिवशी संमिश्र प्रतिसाद मिळला आहे. मुंबई, दिल्ली, एनसीआर, पुणे, कोलकाता आणि बंगळुरू या मोठ्या शहरांमध्ये सिनेमा प्रदर्शित झाला आहे. या सर्वच ठिकाणी मल्टीप्लेक्स थिएटर जास्त आहेत. या ठिकाणी सिनेमाने ४० ते ४५ टक्के गल्ला जमवला आहे. तर लहान शहरांमध्ये पहिल्या दिवशी १० ते ३० टक्क्यांहून कमी गल्ला जमवला आहे. जेवढं शहर लहान तेवढी कमाई कमी असते. कोणत्याही सिनेमाच्या पहिल्या दिवशी बॉक्स ऑफिसवर २५ ते ३० टक्के सुरुवात होणे अपेक्षित असते. परंतु ८३ सारख्या मोठ्या सिनेमासाठी ही सुरुवात कमी आहे. लहान शहरे सिनेमाच्या बॉक्स ऑफिसच्या कमाईसाठी फारशी महत्त्वाची नसतात. सुरत, लखनऊ, जयपूर सारख्या शहरांतही या सिनेमाला थंड प्रतिसाद मिळाला आहे. रणवीर सिंग आणि दीपिका पादुकोण यांचा ८३ सिनेमा १९८३ मध्ये भारतीय क्रिकेट संघाने जिंकलेल्या क्रिकेट विश्वचषक स्पर्धेवर आधारीत आहे. हा सिनेमा प्रदर्शित होण्याआधी अॅडव्हान्स बुकींग झाले होते. ज्या पद्धतीने हे बुकींग झाले होते ते पाहून हा सिनेमा बॉक्स ऑफिसवर नक्कीच यशस्वी होईल, असा अंदाज सिनेव्यापार विश्लेषकांनी व्यक्त केला होता. दरम्यान, ८३ सिनेमाची पहिल्या दिवसापासून नो वे होम आणि पुष्पा द राईज या दोन सिनेमांशी तगडी स्पर्धा होती. दाक्षिणात्य सिनेमा पुष्पा द राईज ने पहिल्या आठवड्यामध्ये बॉक्स ऑफिसवर चांगली कमाई केली होती. या सिनेमाने गुरुवारपर्यंत २६.५० कोटी रुपयांचा गल्ला जमवला होता. सिनेमाची सुरुवात संथ असली तरी त्याची कमाई मात्र वेगाने होत आहे. सिनेमा प्रदर्शित झाला त्या दिवशी त्याने ३.३० कोटी रुपयांची कमाई केली होती. तर हॉलिवूडचा स्पायडर मॅन नो वे होम सिनेमाचा बॉक्स ऑफिसवरील जलवा कायम आहे. या सिनेमाने पहिल्याच आठवड्यामध्ये १०० कोटीं रुपयांचा टप्पा ओलांडत घसघशीत कमाई केली होती. गुरुवारपर्यंत या सिनेमाने १४८ कोटी रुपये कमावले आहेत.

from Entertainment News in Marathi: Celebrity News and Gossips Online | Maharashtra Times https://ift.tt/3qruQUm
https://ift.tt/3qnpKZs