सेंच्युरियन : सध्याच्या घडीला अजिंक्य रहाणे दक्षिण आफ्रिकेविरुद्धच्या पहिल्या कसोटी सामन्यात खेळणार की नाही, हा मोठा चर्चेचा विषय ठरला आहे. पण पहिल्या सामन्यापूर्वी याबाबत भारताचा प्रशिक्षक राहुल द्रविडने भाष्य केले आहे. अजिंक्यच्या संघातील समावेशाबाबत काय म्हणाला द्रविड, पाहा...पहिल्या सामन्याच्या पूर्वसंध्येला द्रविडची एक पत्रकार परिषद झाली, यामध्ये द्रविडने काही गोष्टी स्पष्ट केल्या आहेत. यावेळी अजिंक्यबाबत द्रविड म्हणाला की, " अजिंक्यबरोबर माझी चर्चा झाली आहे. ही चर्चा सकारात्मक झाली आहे. अजिंक्य हा चांगल्यापद्धतीने सराव करताना दिसत आहे. अजिंक्य आपले सर्वस्व देण्याचा प्रयत्न करत आहे. अजिंक्यबरोबर भारताच्या सर्वच खेळाडूंबरोबर माझी चर्चा होत असते आणि भारतीय संघात सध्याच्या घडीला चांगले वातावरण आहे. भारतीय संघात पाचव्या स्थानासाठी चांगली चुरस आहे. पाचव्या स्थानासाठी अजिंक्य किंवा श्रेयस यांच्यापैकी एकाला संधी मिळेल." अजिंक्यबरोबर संघातील श्रेयस अय्यर आणि हनुमा विहारी यांच्यामध्ये स्पर्धा असणार आहे. श्रेयसने न्यूझीलंडविरुद्धच्या मालिकेत पदार्पण केले होते आणि तो चांगल्या फॉर्मात आहे. त्यामुळे फॉर्मात असलेल्या श्रेयसला अजिंक्यसाठी संघाबाहेर काढणार का, हा सर्वात मोठा प्रश्न आता भारतीय संघाबरोबर असेल. त्याचबरोबर हनुमा हा अजिंक्यसाठी चांगल्या पर्याय ठरू शकतो, असेही समोर आले आहे. कारण हनुमा हा भारतीय संघ दाखल होण्यापूर्वीच दक्षिण आफ्रिकेत दाखल झाला आहे. त्याचबरोबर भारताच्या 'अ' संघाकडून खेळताना त्याने चांगली कामगिरी केली असून तो चांगल्या फॉर्मात आहे. हनुमा हा गोलंदाजीमध्येही हातभार लावू शकतो. दुसरीकडे अजिंक्य हा बऱ्याच कालावधीपासून चांगल्या फॉर्मात नसल्याचे पाहायला मिळाले आहे. मयांक अगरवाल आणि लोकेश राहुल हे सलामीला येतील, तर चेतेश्वर पुजारा आणि विराट कोहली हे तिसऱ्य आणि चौथ्या स्थानार फलंदाजीला येतील. पाचव्या स्थानावर कोणाला खेळवायचे, हा मोठा प्रश्न आता भारतीय संघापुढे असेल. भारतीय संघ पाच गोलंदाजांनिशी मैदानात उतरणार आहे. त्यामुळे संघातील पाचव्या स्थानासाठी जोरदार चुरस पाहायला मिळत आहे.
from Sports News in Marathi: Latest Marathi News on Cricket, Football, Tennis, Hockey & more | Maharashtra Times https://ift.tt/32jkZIv
https://ift.tt/3qjw3NA
0 Comments