ओमिक्रॉन: ती वेळ परत आली आहे!; अनावश्यक प्रवास, मोठे समारंभ आता...

नवी दिल्ली: करोनाच्या व्हेरिएंटने भारतात शिरकाव केल्यानंतर रुग्णसंख्या वेगाने वाढताना दिसत असून आज एकूण रुग्णसंख्या शंभरपार गेली आहे. याबाबत चिंता व्यक्त करताना केंद्रीय आरोग्य विभागाने नागरिकांना सतर्क केले आहे. केंद्रीय आरोग्य विभागाचे संयुक्त सचिव लव अग्रवाल, कोविड टास्क फोर्सचे प्रमुख आणि नीती आयोगाचे सदस्य आणि आयसीएमआरचे महासंचालक यांनी कोविड नियमांबाबत अगदी स्पष्ट शब्दांत इशारा दिला आहे. दरम्यान, ओमिक्रॉनमुळे भारतात कोविडच्या तिसऱ्या लाटेची भीती व्यक्त केली जात असतानाच केंद्राने दिलेल्या माहितीने चिंतेत वाढ झाली आहे.ओमिक्रॉन व्हेरिएंट डेल्टापेक्षा अधिक वेगाने पसरत आहे. त्यामुळेच दक्षिण आफ्रिका, या देशांत गेले काही दिवस रुग्णसंख्येचा उद्रेक पाहायला मिळत आहे. ही स्थिती लक्षात घेता भारतासारख्या दाट लोकवस्तीच्या देशाला अधिक सतर्क राहावे लागणार असून यावरच केंद्रीय आरोग्य मंत्रालय आणि कोविड टास्क फोर्सने आज भर दिला. भारतात सध्या कोणत्याही राज्यात लॉकडाऊनसारखे निर्बंध नाहीत. सर्वच व्यवहार सध्या सुरू आहेत. त्याचवेळी कोविड नियमांबाबतही मोठ्या प्रमाणात ढिलाई दिसून येत आहे. ही बाब संसर्ग वाढण्यास कारणीभूत ठरू शकते अशी भीती असून त्याबाबत अगदी कठोर शब्दांत केंद्राने इशारा दिला.  'ओमिक्रॉनचा वाढता धोका लक्षात घेता आपल्याला सतर्क व्हावं लागेल. अनावश्यक प्रवास टाळावा लागेल. मोठ्या गर्दीचे समारंभ टाळून मोजक्या माणसांमध्ये हे समारंभ उरकावे लागतील. ती वेळ आता परत आली आहे. आपल्याला हे करावंच लागेल', असे डॉ. बलराम भार्गव यांनी नमूद केले. व्ही. के. पॉल यांनीही भार्गव यांच्या म्हणण्याला पुस्ती जोडली. आपल्याला कोविड अनुरूप वर्तन करावं लागेल. योग्य प्रकारे मास्कचा वापर करणे, अनावश्यक गर्दी टाळणे या गोष्टी करतानाच संपूर्ण लसीकरण हे आपले लक्ष्य असले पाहिजे, असे पॉल यांनी सांगितले. भारतात उपलब्ध असलेल्या आहेत. वैद्यकीय सल्ला विचारात घेऊन बूस्टर डोसबाबत निर्णय घेतला जाईल, असेही त्यांनी नमूद केले. जगभरात ९१ देशांमध्ये ओमिक्रॉन जगभरात ९१ देशांमध्ये करोनाच्या ओमिक्रॉन व्हेरिएंटने शिरकाव केला आहे. दक्षिण आफ्रिकेत ओमिक्रॉनचा पहिला रुग्ण आढळला होता. तिथे सध्या ओमिक्रॉनचा फैलाव वेगाने होत आहे. डेल्टाच्या तुलनेत हे प्रमाण खूप जास्त असल्याचे निरीक्षण जागतिक आरोग्य संघटनेने नोंदवले असून ही स्थिती पाहता येत्या काळात डेल्टाची जागा ओमिक्रॉन व्हेरिएंट घेण्याची शक्यता आहे, असे यावेळी लव अग्रवाल यांनी सांगितले. 

from India News in Marathi: Breaking News India in Marathi | Maharashtra Times https://ift.tt/33DghWe
https://ift.tt/3dZbgJx