पंजाबमध्ये भाजपला मिळाला 'कॅप्टन'!; अमरिंदर यांच्या पक्षासोबत युती

नवी दिल्ली: निवडणुकीआधी मोठ्या घडामोडी पाहायला मिळत असून माजी मुख्यमंत्री आणि पंजाब लोक काँग्रेस पक्षाचे सर्वेसर्वा कॅप्टन यांनी अखेर भाजपशी मैत्रीचा हात मिळवला आहे. अमरिंदर यांनी आज केंद्रीय मंत्री आणि भाजपचे पंजाब निवडणूक प्रभारी यांची भेट घेतली. या भेटीत आणि पंजाब लोक काँग्रेस यांच्यातील युतीवर शिक्कामोर्तब करण्यात आले आहे. या भेटीचे फोटो अमरिंदर यांनी ट्वीट केले असून शेखावत-अमरिंदर यांची गळाभेट पंजाबच्या राजकारणातील नव्या समीकरणांची नांदी ठरली आहे.पंजाबमध्ये मोठी राजकीय उलथापालथ होऊन त्यात अमरिंदर सिंग यांना मुख्यमंत्रीपद सोडावे लागले होते. त्यासोबतच त्यांनी काँग्रेस पक्षाचा राजीनामा देत पंजाब लोक काँग्रेस या नव्या पक्षाची स्थापना केली. काँग्रेसला रामराम ठोकल्यानंतर अमरिंदर यांचा भाजप नेतृत्वाशी संपर्क वाढला होता. त्यांनी प्रमुख नेत्यांची भेटही घेतली होती. त्यानंतर आगामी निवडणुकीत अमरिंदर हे भाजपसोबत मैत्री करतील हे जवळपास निश्चित होते. त्याबाबत आज अधिकृत घोषणा झाली आहे. अमरिंदर यांनी आज गजेंद्रसिंह शेखावत यांची भेट घेऊन चर्चा केली. या बैठकीत युतीवर शिक्कामोर्तब करण्यात आले तसेच जागावाटपावरही चर्चा झाली. याबाबत अमरिंदर आणि शेखावत यांनी माहिती दिली आहे. पंतप्रधान आणि पक्षाचे राष्ट्रीय अध्यक्ष जे. पी. नड्डा यांनी पंजाबमध्ये अमरिंदर यांच्या पक्षासोबत युतीने निवडणुका लढण्याबाबत आधीच भूमिका स्पष्ट केलेली आहे. आज याबाबत चर्चा झाली व पंजाबमध्ये निवडणुका एकत्र लढण्यावर एकमत झालं, असे शेखावत म्हणाले. जागावाटपाबाबत विचाराल तर त्याची माहिती योग्य वेळी दिली जाईल, असेही शेखावत यांनी नमूद केले. तर कॅप्टन अमरिंदर यांनी विजयाचा विश्वास व्यक्त केला. पंजाबची निवडणूक आम्ही १०१ टक्के जिंकणार आहोत. त्याबाबत आम्हाला पूर्ण खात्री आहे, असे अमरिंदर म्हणाले. विजयाच्या शक्यतेच्या आधारावर जागावाटप निश्चित केले जाईल. त्यासाठी मतदारसंघनिहाय चर्चा केली जाईल, असेही अमरिंदर यांनी सांगितले. दरम्यान, पंजाबमध्ये विधानसभेच्या ११७ जागांसाठी निवडणुका होणार असून त्यात भाजपकडून अमरिंदर यांच्या पक्षाला ३५ जागा सोडल्या जातील असे सूत्रांचे म्हणणे आहे. येत्या काही दिवसांत काँग्रेस, आप आणि अकाली दल या पक्षांतील काही विद्यमान आणि माजी आमदार अमरिंदर यांच्या पक्षात प्रवेश करण्याचीही शक्यता व्यक्त करण्यात येत आहे. 

from India News in Marathi: Breaking News India in Marathi | Maharashtra Times https://ift.tt/3sfBXSG
https://ift.tt/3yCpmKj