नवी दिल्ली: 'कोव्होवॅक्स' च्या लसीच्या आपत्कालीन वापरास जागतिक आरोग्य संघटनेने आज मंजुरी दिली आहे. त्यामुळे विरोधातील लढाईला आणखी एका लसचं बळ मिळालं असून याबाबत सीरमचे मुख्य कार्यकारी अधिकारी यांनी ट्वीटरच्या माध्यमातून माहिती दिली आहे व या निर्णयावर समाधान व्यक्त केलं आहे. ' कोव्होवॅक्स ही लस अधिक प्रभावी आणि सुरक्षित असून जागतिक आरोग्य संघटनेने या लसच्या आपत्कालीन वापरास मंजुरी दिली ही खूप मोठी बाब आहे. आम्ही कोविड विरोधात लढा देत आहोत आणि कोव्होवॅक्सला मिळालेली मंजुरी हा या लढाईतील आणखी एक मैलाचा दगड ठरला आहे', अशा भावना पूनावाला यांनी व्यक्त केल्या. कोव्होवॅक्स या लसच्या निर्मितीत सीरमला कंपनीचीही साथ लाभली आहे. आतापर्यंत या लसच्या जेवढ्या चाचण्या झाल्या आहेत त्याचे रिझल्ट सकारात्मक आढळले आहेत. ही लस अधिक प्रभावी असल्याचा दावा खुद्द पूनावाला यांनी केला आहे. या लसच्या आपत्कालीन वापरास मंजुरी मिळावी अशी विनंती सीरमकडून जागतिक आरोग्य संघटनेकडे करण्यात आली होती. ही विनंती मान्य करत मंजुरी दिली गेली आहे. कोविडवर आतापर्यंत एकूण ९ लशींना जागतिक आरोग्य संघटनेने मंजुरी दिलेली आहे. जागतिक आरोग्य संघटना म्हणते... जागतिक आरोग्य संघटनेच्या डॉ. मारिएंजेला सिमाओ यांनी कोव्होवॅक्सला आपत्कालीन मंजुरी देण्यामागची कारणे सांगितली. कोविडचे नवीन व्हेरिएंट समोर येत आहेत. अशावेळी या महामारीपासून बचाव करण्यासाठी आवश्यक सर्व गोष्टी आम्ही करत आहोत. त्याचाच भाग म्हणून या अधिक प्रभावी ठरेल अशा लसला आम्ही मंजुरी देत आहोत. या लसचा आता आपत्कालीन वापर करता येईल. प्रामुख्याने कमी उत्पन्न असलेल्या देशांना जास्तीत जास्त लससाठा उपलब्ध व्हावा या उद्देशाने आम्ही हे पाऊल उचलले आहे, असे सिमाओ यांनी नमूद केले. आजही जगातील ४१ असे देश आहेत जिथे १० टक्क्यांपेक्षाही कमी लसीकरण झाले आहे तर ९८ देशांत लसीकरणाने ४० टक्क्यांचा पल्लाही गाठलेला नाही. या देशांवर आमचा अधिक फोकस आहे, असे डॉ. मारिएंजेला सिमाओ म्हणाल्या.
from India News in Marathi: Breaking News India in Marathi | Maharashtra Times https://ift.tt/3dYYHOg
https://ift.tt/3GRw0iB
0 Comments