हे अक्षम्य! असं कुणी बोलूच कसं शकतं; 'त्या' आमदाराला प्रियांका यांनी झापले

नवी दिल्ली: एकीकडे बलात्काराच्या घटनांना पायबंद घालण्यासाठी कठोर कायदे करण्याची मागणी होत असताना चक्क कर्नाटकच्या विधानसभेत अर्थात कायदेमंडळातच काँग्रेसच्या ज्येष्ठ आमदाराने अशा घटनांचे समर्थन करणारे विधान केल्याने देशभरातून संताप व्यक्त होत आहे. या संपूर्ण प्रकारावर सरचिटणीस यांनी तीव्र प्रतिक्रिया व्यक्त केली असून काँग्रेसकडून संबंधित आमदारावर कारवाईचा बडगा उगारला जाईल असे संकेत मिळत आहेत.  काँग्रेसचे कर्नाटकातील आमदार आणि विधानसभेचे माजी अध्यक्ष यांनी विधानसभेत कामकाजादरम्यान महिलांबाबत धक्कादायक आणि आक्षेपार्ह विधान केले होते. ' रोखता येत नसेल तर झोपून राहा आणि त्याचा आनंद घ्या' असे रमेशकुमार म्हणाले होते. गंभीर बाब म्हणजे रमेशकुमार यांच्या या विधानावर आक्षेप न घेता विधानसभा अध्यक्ष यांनी हसून त्यांना प्रतिसाद दिला. विधानसभेतील कामकाजादरम्यान घडलेल्या या प्रकाराचा व्हिडिओ समोर आल्यानंतर एकच खळबळ उडाली असून देशभरातून संताप व्यक्त करण्यात येत आहे. त्याचवेळी रमेशकुमार यांच्यावर कारवाई करत त्यांचा राजीनामा घेण्याची मागणीही करण्यात येत आहे. या पार्श्वभूमीवर प्रियांका गांधी यांनी प्रतिक्रिया दिली असून त्यांनी या आमदाराला चांगलेच फटकारले आहे.  'रमेशकुमार यांनी जे विधान केले आहे त्याचा मी तीव्र शब्दांत निषेध करत आहे. बलात्कार हा अत्यंत गंभीर स्वरूपाचा गुन्हा आहे आणि त्याबाबत असं कुणी बोलूच कसं शकतं? हे अक्षम्य आहे', अशा शब्दांत प्रियांका गांधी यांनी या विधानावर चीड व्यक्त केली आहे. प्रियांका यांची तीव्र प्रतिक्रिया लक्षात घेता काँग्रेस हायकमांडकडून रमेशकुमार यांच्यावर कठोर कारवाई केली जाईल असे स्पष्ट संकेत मिळत आहेत. रमेशकुमार यांनी मागितली माफी रमेशकुमार हे वादग्रस्त विधान करून पुरते फसले आहेत. या विधानावर काँग्रेस पक्षातील महिला आमदारांनीही संताप व्यक्त करत रमेशकुमार यांच्या राजीनाम्याची मागणी केली. चहुबाजूने टीका होऊ लागताच रमेशकुमार यांनी माफीनामा सादर केला आहे. माझ्या विधानाने महिलांच्या भावना दुखावल्या असतील तर मी त्यासाठी माफी मागत आहे. आता हे प्रकरण अधिक ताणू नये, असे रमेशकुमार म्हणाले. 

from India News in Marathi: Breaking News India in Marathi | Maharashtra Times https://ift.tt/32cmNTd
https://ift.tt/32cZtET