ब्रिटनमध्ये करोनाचे थैमान; ९३ हजार नवे रुग्ण, मंत्री म्हणाल्या, ही त्सुनामीच!

लंडन:  सलग तिसऱ्या दिवशी रुग्णसंख्येने नवा उच्चांक गाठला असून गेल्या २४ तासांत ९३ हजारांवर नवीन बाधितांची नोंद झाली आहे तर १११ जणांचा मृत्यू झाला आहे. त्यामुळे एकच खळबळ उडाली आहे. स्कॉटलँडच्या प्रथम मंत्री यांनी यावर प्रतिक्रिया देताना 'ही तर त्सुनामीच' असल्याची भीती व्यक्त केली आहे. करोना संसर्गाच्या व्हेरिएंटने ब्रिटनमध्ये शिरकाव केल्यानंतर अवघ्या काही दिवसांतच कोविड रुग्णसंख्येचा उद्रेक पाहायला मिळत आहे. शुक्रवारी ब्रिटनमध्ये ९३ हजार ४५ नवीन रुग्णांची नोंद झाली. करोनाची साथ आल्यापासूनची ही एका दिवसातील सर्वोच्च रुग्णसंख्या ठरली आहे. त्यामुळे ब्रिटनची आरोग्य यंत्रणा हादरली असून सरकारनेही वेगाने पावले उचलायला सुरुवात केली आहे. ब्रिटनमध्ये सलग तीन दिवस रुग्णसंख्येत भयावह वाढ पाहायला मिळत आहे. गुरुवारी ब्रिटनमध्ये ८८ हजार ३७६ नवीन करोना बाधितांची भर पडली होती तर बुधवारी ७८ हजार ६१० नवे रुग्ण आढळले होते आणि शुक्रवारी तर दैनंदिन रुग्णसंख्या १ लाखाच्या आणखी जवळ पोहचली. ब्रिटन सरकारकडील नोंदीनुसार गेल्या सात दिवसांत देशात तब्बल ४ लाख ७७ हजार २२९ नवीन करोना बाधितांची भर पडली असून आधीच्या आठवड्याच्या तुलनेत ३८.६ टक्के इतकी रुग्णवाढ या आठवड्यात झाली आहे. स्कॉटलँडच्या प्रथम मंत्री निकोला स्टुरजियोन यांनी याबाबत चिंता व्यक्त केली आहे. बनत चालला आहे. एक आठवड्यापूर्वी मी ज्या त्सुनामीचा इशारा दिला होता ती त्सुनामी अखेर आली आहे, असे त्या म्हणाल्या. वेल्समधील नेते मार्क ड्रेकफोर्ड यांनीही भीषण वादळ झेलण्यासाठी तयार राहा, असा इशारा दिला. त्याचवेळी देशात २६ डिसेंबरनंतर नाइट क्लब बंद करण्याचे आदेशही जारी करण्यात आले आहेत. 

from India News in Marathi: Breaking News India in Marathi | Maharashtra Times https://ift.tt/3E7HCwj
https://ift.tt/3sgfg0o