आता साऱ्यांना कळणार काश्मिरी पंडितांची व्यथा, बहुचर्चित 'द काश्मीर फाईल' ची होतेय चर्चा

मुंबई- ताश्कंद फाईल्स आणि बुद्ध इन ट्राफिक जाम यांसारख्या विषयांवर सिनेमे बनवणारे दिग्दर्शक यांचा द काश्मीर फाईल्स हा सिनेमाही प्रदर्शनासाठी सज्ज झाला आहे. पुढच्या वर्षी प्रजासत्ताक दिनी म्हणजे २६ जानेवारी २०२२ सिनेमा प्रदर्शित केला जाणार आहे. नुकतेच निर्मात्यांनी सिनेमाचं मोशन पोस्टर प्रदर्शित केलं. हा सिनेमा १९९० मध्ये काश्मिरी पंडिताच्या विरोधात घडलेल्या सामूहिक छळावर आधारित असून सिनेमात तत्कालीन राजकीय परिस्थिती दर्शवली जाणार आहे. सिनेमााच्या निर्मात्यांनी नुकतेच सोशल मीडियावर तीन पोस्टर रिलीज केले आहे. पोस्टरला प्रेक्षकांचा मिळालेला प्रतिसाद पाहून अनेकांना या सिनेमाची उत्सुकता असल्याचं दिसतं. एकंदरीत सिनेमाची पोस्टर वरून हे ही दिसत आहे की या सिनेमााची चर्चा बॉक्स ऑफिसवर कमी आणि राजकीय आखाड्यावर जास्त होणार आहे.कारण, सध्या देशात सुरु असलेल्या राजकीय वादावर हा सिनेमा भाष्य करत असून २०१९ मध्ये हटवण्यात आलेल्या कलम ३७० वर या सिनेमााचा भर असणार आहे. दरम्यान, सिनेमाच्या एका पोस्टरमध्ये अभिनेत्री पल्लवी जोशी हिने साकारलेलं पात्र बोलताना दिसत आहे की, ज्याप्रमाणे भारत ब्रिटिशांच्या विरोधात लढून स्वातंत्र्य मिळवू शकतं तर मग काश्मिर का नाही लढू शकत? या पात्राच्या राजकीय वक्तव्यामुळे भविष्यात राजकीय वाद निर्माण होण्याची शक्यता आहे. दुसऱ्या एका पोस्टमध्ये, यांचे पात्र म्हणताना दिसत आहे की, ज्या प्रदेशात शिव सरस्वती आणि ऋषी हिरण्य कश्यप जन्मले तो काश्मीर आपला आहे. ज्या प्रदेशात शंकराचार्य यांनी तप केले, जेथे पंचतंत्र लिहिले गेले तो काश्मीर प्रदेश आपला आहे. तुम्हाला काश्मीर विषयी काय माहिती आहे? असे अनेक प्रश्न हे पात्र उपस्थित करतं. तिसऱ्या पोस्टमध्ये मिथुन चक्रवर्ती यांचे पात्र म्हणताना दिसते की,कशी ही विडंबना आहे, काश्मीर जळत आहे.लोक काश्मीरला जन्नत समजतात.परंतु या जन्नतला जाहन्नुम बनवण्यासाठी जिहाद पसरवला जात आहे, असे हे पात्र म्हणताने दिसत आहे. दरम्यान, द काश्मीर फाईल्स हा सिनेमा २६ जानेवारी २०२२ रोजी देशभरात प्रदर्शित होणार असून १९९० मध्ये काश्मीरमध्ये घडलेल्या अनेक राजकीय घटनांवर हा सिनेमा भाष्य करणार आहे. सिनेमात अनुपम खेर, पल्लवी जोशी, मिथुन चक्रवर्ती आणि चिन्मय मांडलेकर यांच्या मुख्य भूमिकेत असून विवेक अग्निहोत्री यांनी सिनेमाचं दिग्दर्शन केलं आहे. झी स्टुडियो, तेज नारायण आणि अभिषेक अग्रवाल हे या सिनेमाचे निर्माते आहेत.

from Entertainment News in Marathi: Celebrity News and Gossips Online | Maharashtra Times https://ift.tt/3H5dW4L
https://ift.tt/3HcWxY5