जलद गोलंदाजावर फिरकीपटू होण्याची वेळ; सामना सुरू असताना पाहा काय झाले

एडिलेड: अ‍ॅशेस मालिकेतील दुसऱ्या कसोटी सामन्यातील चौथ्या दिवशी असे काही चित्र पाहायला मिळाले जे पाहिल्यानंतर अनेक जण हैराण झाले. इंग्लंडचा जलद गोलंदाज जो १४० किलोमीटरच्या वेगाने चेंडू टाकत होता त्याने अचानकपणे फिरकी गोलंदाजी करण्यास सुरूवात केली. क्रिकेटच्या मैदानावरील हा प्रकार पाहून अनेकांना काही वेळ विश्वास बसला नाही. वाचा- ऑस्ट्रेलियाच्या दुसऱ्या डावातील ३५व्या षटकात इंग्लंडचा जलद गोलंदाज जलद गोलंदाजी सोडून फिरकीवर आला. रॉबिन्सन फिरकी गोलंदाजी करत असल्याचे पाहून ऑस्ट्रेलियाच्या फलंदाजांना धक्क बसला. तेव्हा ट्रेविस हेड आणि मार्नस लाबुशेन फलंदाजी करत होते. रॉबिन्सने त्या ओव्हरमध्ये फक्त २ धावा दिल्या. पण सोशल मीडियावर रॉबिन्सनच्या त्या फिरकी गोलंदाजीची चर्चा सुरू झाली. खुद्द आंतरराष्ट्रीय क्रिकेट परिषदेने रॉबिन्सनचा फोटो शेअर करून फिरकीपटू म्हणून त्याला गुण देण्यास सांगितले. ऑस्ट्रेलिया आणि इंग्लंड यांच्यातील दुसरी कसोटी पिंक बॉलने खेळली जात आहे. या सामन्यात इंग्लंडचा संघ चार जलद गोलंदाजासह खेळत असून त्याच्याकडे ऑलराउंडर देखील नाही, जो फिरकी गोलंदाजी करू शकेल. अशात कर्णधार जो रूट जो फिरकी गोलंदाजी करू शकतो त्याने काही षटके गोलंदाजी केली. पण चौथ्या दिवशी त्याला दुखापत झाली आणि काही काळ तो मैदानाबाहेर होता. त्यामुळे षटकांची गती वाढवण्यासाठी ओली रॉबिन्सनला फिरकीपटूच्या भूमिकेत यावे लागले. पहिल्या डावात देखील षटकांचा वेग वाढवण्यासाठी रुटने गोलंदाजी केली होती. अ‍ॅशेस मालिकेतील पहिल्या सामन्यात षटकांचा वेग कमी असल्याने इंग्लंड संघावर कारवाई करण्यात आली होती. त्याचे वर्ल्ड टेस्ट चॅम्पियनशिपमधील गुण कमी करण्यात आले होते. आता दुसऱ्या कसोटीत देखील गुणांचा फटका बसू नये म्हणून रॉबिन्सनने फिरकी गोलंदाजीची मदत घेतली.

from Sports News in Marathi: Latest Marathi News on Cricket, Football, Tennis, Hockey & more | Maharashtra Times https://ift.tt/3q64ebz
https://ift.tt/30ErQLy