२७ नक्षलवादी मारल्यानंतर गडचिरोलीत पहिलीच निवडणूक, चॉपरने पोलिंग पार्ट्या बेसकॅम्पवर!

गडचिरोली: गडचिरोली जिल्ह्यातील ग्रामपंचायतीच्या पोटनिवडणुका () येत्या 21 डिसेंबर रोजी होणार आहे. त्यासाठी अतिदुर्गम भागातील पोलिंग पार्ट्या 19 डिसेंबर रोजी चॉपरच्या साहाय्याने बेस कॅम्पवर रवाना करण्यात आल्या आहेत. २७ नक्षलवादी मारल्यानंतर गडचिरोलीत पहिलीच निवडणूक 13 नोव्हेंबर रोजी झालेल्या चकमकीत तब्बल 27 नक्षल्यांना कंठस्थान घालण्यात गडचिरोली पोलीस दलास यश आलं होतं. यात मिलिंद तेलतुंबडे सारख्या नक्षली नेत्याचा खात्मा झाला. त्यामुळे नक्षल चळवळीला खूप मोठा हादरा बसला. या चकमकीनंतर गडचिरोली जिल्ह्यातील ही पहिलीच निवडणूक आहे हे विशेष...! राज्य निवडणूक आयोगाच्या 17 नोव्हेंबर 2021 च्या पत्राच्या अनुषंगाने निधन, राजीनामा, अनर्हता किंवा इतर अन्य कारणामुळे ग्रामपंचायतीतील रिक्त झालेल्या पदांसाठी पोटनिवडणुका होणार आहे. राज्यभरातील 4554 ग्रामपंचायतीतील 7130 रिक्त जागांसाठी ही निवडणूक येत्या 21 डिसेंबर रोजी होणार आहे. आदिवासीबहुल व नक्षलग्रस्त गडचिरोली जिल्ह्यात 172 ग्रामपंचायतीच्या 351 रिक्त जागांसाठी ही निवडणूक होणार आहे. दुर्गम भागातील पोलिंग पार्ट्या चॉपरच्या साह्याने बेसकॅम्प वर गडचिरोली जिल्हा हा नक्षलग्रस्त असल्यामुळे दुर्गम भागातील निवडणूक शांततेत पार पाडण्यासाठी पोलीस प्रशासनासमोर एक प्रकारचं आव्हानच असतं. निवडणुकीदरम्यान कुठलाही अनुचित प्रकार घडू नये यासाठी पोलीस प्रशासन सुद्धा सज्ज झाले असून दुर्गम भागातील पोलिंग पार्ट्या चॉपरच्या साह्याने बेसकॅम्प वर पोहोचविण्यात येत आहे. ग्रामपंचायतीच्या पोटनिवडणुका आणि नऊ नगरपंचायतीच्या सार्वत्रिक निवडणुका एकाच दिवशी म्हणजेच 21 डिसेंबर रोजी असल्याने महसूल आणि पोलिस प्रशासनाला तेवढंच मनुष्यबळ लागणार आहे. त्या अनुषंगाने आता गडचिरोली जिल्हा प्रशासन सुद्धा पूर्णपणे सज्ज झालं आहे.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3E8qzdy
https://ift.tt/3mdOVwc