नवी दिल्ली: भारतीय क्रिकेट नियामक मंडळाने (BCCI) आयपीएल २०२२च्या मेला लिलावाची () घोषणा केली आहे. पुढील वर्षी आयपीएलमध्ये संघांची संख्या ८ वरून १० इतकी होणार आहे. यामुळेच मेगा लिलाव होईल. यासाठी बीसीसीआयने फ्रेब्रुवारी महिन्यातील तारखी निश्चित केली असून लिलावाचे स्थळ बेंगळुरू असणार आहे. वाचा- बोर्डाच्या एका वरिष्ठ अधिकाऱ्याने बुधवारी दिलेल्या माहितीनुसार ७ आणि ८ फ्रेबुवारी रोजी बेंगळुरू येथे साठीचा मेगा लिलाव होईल. कदाचीत आयपीएलमधील हा अखेरचा मेला लिलाव ठरू शकतो कारण स्पर्धेतील जवळ जवळ सर्व संघ लिलाव प्रक्रिया बंद करण्याची मागणी करत आहेत. बोर्डातील अधिकाऱ्यांनी दिलेल्या माहितीनुसार करोनाची परिस्थिती खराब झाली नाही तर आयपीएलचा मेगा लिलाव भारतातच होईल. दोन दिवस चालणारी लिलाव प्रक्रिया बेंगळुरूमध्ये पार पडले आणि यासाठीची तयारी सुरू झाली आहे. वाचा- पाहा काय होऊ शकते सुरुवातीला हा लिलाव युएईमध्ये होणार असल्याचे वृत्त समोर आले होते. पण सध्या तरी बीसीसीआयचा तसा कोणताही विचार नाही. करोना व्हायरसच्या ओमिक्रॉन व्हेरियंटमुळे परदेशी प्रवासावर प्रतिबंध घातले जाऊ शकता. त्यामुळे मेगा लिलाव भारतात आयोजित करणे सोपे जाईल. २०२२च्या हंगामात लखनऊ आणि अहमदाबाद असे दोन संघ असतील. या नव्या संघांना प्रत्येकी ३ खेळाडू निवडण्याची संधी आहे. यासाठी ख्रिसमसपर्यंत वेळ दिली गेली आहे. कदाचित बीसीसीआय त्यांना अधिकचा वेळ देऊ शकते. आयपीएलमधील अधिकतर संघांचे असे मत आहे की प्रत्येक ३ वर्षानंतर होणाऱ्या मेगा लिलावामुळे संघाची बैठक मोडली जाते. दिल्ली कॅपिटल्सचे सहमालक पार्थ जिंदल यांनी तर असे म्हटले होते की, इतकी मेहनत घेऊन संघ तयार करायचा, खेळाडूंना तयार करायचे आणि ३ वर्षानंतर ते दुसऱ्या संघाकडे जातात हे पाहणे खुप वाईट असते.
from Sports News in Marathi: Latest Marathi News on Cricket, Football, Tennis, Hockey & more | Maharashtra Times https://ift.tt/30SV9KB
https://ift.tt/3FmpDDO
0 Comments