नवी दिल्ली: भारतीय क्रिकेट संघ सध्या दक्षिण आफ्रिकेत आहे. येत्या २६ डिसेंबरपासून दोन्ही संघात कसोटी मालिकेला सुरूवात होणार आहे. ३ सामन्यांच्या पहिल्या सामन्यात भारतीय संघ कोणत्या ११ खेळाडूंना घेऊन मैदानात उतरतो हे पाहणे उत्सुकतेचे ठरणार आहे. विराट कोहली पहिल्या कसोटीत शार्दुल ठाकूरसह ५ जलद गोलंदाजांना संधी देतो की अजिंक्य रहाणेच्या रुपाने एका अतिरिक्त फलंदाजाला संधी दिली जाते हे पाहावे लागले. वाचा- दक्षिण आफ्रिकेत भारताने कधीच कसोटी मालिका जिंकलेली नाही. त्यामुळे यावेळी भारतीय संघ मालिका जिंकण्यासाठी जोरदार प्रयत्न करेल. पहिल्या कसोटीत फलंदाजीचा विचार केल्यास हनुमा विहारी सर्वात मोठा दावेदार आहे. विहारी भारतीय अ संघासोबत आफ्रिकेच्या दौऱ्यावर होता. भारतीय संघ गेल्या ३ दिवसांपासून सेंच्युरियनच्या सुपरस्पोर्ट पार्कवर सराव करत आहे. क्रिकेट दक्षिण आफ्रिकेने भारतीय संघाला मुख्य स्टेडियमवर सराव करण्याची संधी दिली आहे. वाचा- दक्षिण आफ्रिका, इंग्लंड, न्यूझीलंड आणि ऑस्ट्रेलिया या देशात कसोटी सामन्याच्या आधी मुख्य विकेटवर सराव करण्याची संधी तशी कमी मिळते. बीसीसीआयने शेअर केलेल्या एका व्हिडिओत मुख्य प्रशिक्षक राहुल द्रविड यांनी मुख्य विकेटवर सराव करण्याचा फायदा होईल असे म्हटले होते. तर श्रेयस अय्यरने गवत असलेल्या पिचवर सराव केल्याचे सांगितले होते. जर भारतीय संघ पाच जलद गोलंदाजांसह मैदानात उतरणार असेल तर शार्दुल ठाकूर हा सर्वात चांगला पर्याय आहे. कारण तो सातव्या क्रमांकावर फलंदाजी देखील करू शकतो. या शिवाय भारतीय संघात आर अश्विन देखील आहे. संघात चार गोलंदाजांचे स्थान निश्चित आहे असून यात जसप्रीत बुमराह, मोहम्मद शमी, आर अश्विन आणि मोहम्मद समावेश होतो. इशांत शर्माचा फॉर्म पाहता त्याला संधी मिळेल असे वाटत नाही. सेच्युरियम मैदान हे समुद्र सपाटीपासून १३०० मीटर उंचीवर आहे. येथे जलद गोलंदाज लवकर थकू शकतात. फक्त चार गोलंदाज खेळवले तर ते थकण्याची शक्यता अधिक आहे. अतिरिक्त फलंदाजाचा विचार केल्यास विहारीच्या तुलने रहाणेची दावेदारी अधिक मजबूत असेल. विहारीला न्यूझीलंडविरुद्धच्या कसोटी मालिकेत संघात स्थान दिले नव्हते. तो अ संघा सोबत दक्षिण आफ्रिकेच्या दौऱ्यावर आला होता. या दौऱ्यात त्याने ३ अर्धशतक झळकावली. विहारीने ५४,नाबाद ७२ आणि ६३ अशा धावा केल्या. असे असले तरी रहाणेला पुन्हा एक संधी मिळण्याची शक्यता अधिक आहे.
from Sports News in Marathi: Latest Marathi News on Cricket, Football, Tennis, Hockey & more | Maharashtra Times https://ift.tt/3Ei3HIm
https://ift.tt/3yJWWhA
0 Comments