'अजिंक्य रहाणे वगळता इतर कोणत्याही कर्णधाराने असे केले नाही'

मुंबई : ऑस्ट्रेलिया क्रिकेट संघाचा माजी कर्णधार इयान चॅपेलने विराट कोहलीचा एक असाधारण कर्णधार असा उल्लेख केला आहे. ईएसपीएन क्रिकइन्फोच्या स्तंभात इयान चॅपेल यांनी कोहली आणि जो रूट यांच्यातील कर्णधार शैलीतील फरकाचा उल्लेख केला. जो रूट हा इंग्लंड कसोटी संघाचा कर्णधार आहे. वाचा- इयान चॅपेल यांनी भारतीय क्रिकेट संघाचा माजी कर्णधार विराट कोहलीचे कौतुक केले आहे. विराट कोहलीने भारतीय संघाला एका उंचीवर नेले. त्याने आणि महेंद्रसिंह धोनीचा वारसा पुढे नेल्याचे चॅपेल यांनी म्हटले आहे. दुसरीकडे जो रूट हा एक चांगला फलंदाज, पण कमकुवत कर्णधार असल्याचे त्यांनी म्हटले. इयान चॅपेल यांनी आपल्या कॉलममध्ये लिहिले आहे की, 'ही दोन क्रिकेट कर्णधारांची कहाणी आहे. एक त्याच्या कामात खूप चांगला होता आणि दुसरा अपयशी होता. कर्णधार म्हणून कोहली अपवाद ठरला यात शंका नाही. त्याने त्याच्या उत्साहावर अंकुश ठेवला नाही, पण तरीही तो भारतीय संघाला उच्च पातळीवर नेण्यात यशस्वी झाला. वाचा- इयान चॅपेल यांनी अजिंक्य रहाणेचे अप्रत्यक्षपणे कौतुक केले. त्यांनी लिहिले की, 'विराट कोहलीने उपकर्णधार अजिंक्य रहाणेच्या रूपाने एका चांगल्या सहकाऱ्याच्या मदतीने परदेशात भारताला यश मिळवून दिले. इतर कोणत्याही कर्णधाराने असे केले नाही.” “कोहलीला गांगुली आणि धोनीकडून मिळालेला वारसा त्याने सात वर्षांत मोठ्या प्रमाणात पुढे नेला. कर्णधार म्हणून त्याची सर्वात मोठी निराशा म्हणजे दक्षिण आफ्रिकेकडून नुकताच झालेला पराभव, ज्यामध्ये भारत १-० ने आघाडीवर होता. केपटाऊनमधील दुसऱ्या कसोटीत तो कर्णधार नसला तरी.'' वाचा- कसोटी क्रिकेटमध्ये चांगली कामगिरी करण्याच्या कोहलीच्या आवडीचा उल्लेख करताना चॅपेल म्हणाले, 'संघात कसोटी क्रिकेटची आवड निर्माण करणे, हे कोहलीचे सर्वात मोठे यश आहे. प्रचंड यश मिळूनही कोहलीचे मुख्य ध्येय कसोटी क्रिकेट जिंकणे हे होते. यातूनच त्याची आवड खऱ्या अर्थाने दिसून आली.' चॅपलने रूटबाबत लिहिले की, 'इतर कोणत्याही कर्णधारापेक्षा अधिक सामन्यांमध्ये आपल्या देशाचे नेतृत्व करूनही अपयशी कर्णधार म्हणून रुटचे नाव घेता येईल. रूट हा चांगला फलंदाज आहे, पण तो कमकुवत कर्णधार आहे.'

from Sports News in Marathi: Latest Marathi News on Cricket, Football, Tennis, Hockey & more | Maharashtra Times https://ift.tt/M7moDUwgI
https://ift.tt/BQFXCpah4