शेकडो मच्छिमारांनी दाखवले एकीचे बळ; बुडालेली लक्ष्मी विजय नौका काढली बाहेर

श्रीवर्धन: श्रीवर्धनमधील येथील श्रीकृष्ण सहकारी मत्यव्यवसायिक संस्थेतील लक्ष्मी विजय नौकेला (IND MH 3 MM 4192) २३ जानेवारी रोजी जलसमाधी मिळाली होती. त्यामुळे लाखो रुपयांचे नुकसान झाले होते. त्या नौकेतील चार खलाशी मुत्यूशी झुंज देत बालंबाल बचावले होते. ही बुडालेली नौका ५०० मच्छिमारांनी एकीचे बळ दाखवत कोणत्याही शासकीय मदतीशिवाय समुद्रातून बाहेर काढली. या ५०० मच्छिमारांचे सर्व स्तरातून कौतुक होत आहे. (Hundreds of showed their strength and pulled out the sunken ) अनिकेत रघुवीर यांची ही नौका होती. ही नौका बुडून लाखो रुपयांचे नुकसान झाले होते. शासनाकडून मिळणाऱ्या भरपाईसाठी अनेक दिवस पाठपुरावा करुनही तुटपुंजी रक्कम मिळते. त्यामुळे रघुवीर कुटुंबीयांच्या चिंता वाढल्या होत्या. कशी घडली घटना? रविवारी दुपारनंतर अचानक समुद्रामध्ये दक्षिणेकडून सोसाट्याचे वादळ वारे वाहायला सुरुवात झाली. त्यामुळे मच्छीमार भयभीत होऊन आपापल्या नौका व जीव मुठीत धरून नौका मुळगाव येथील खाडीमध्ये सुरक्षित ठिकाणी नेऊ लागले. वाऱ्याचा प्रचंड वेग व समुद्राने घेतलेल्या रौद्ररुपापुढे मच्छीमार हतबल झाले. त्यामध्येच अनिकेत लक्ष्मण रघुवीर यांची 'लक्ष्मी विजय' नौकेचे सुकाणू तुटल्याने नौका भरकटली व दगडावर आदळल्याने नौकेला दांडा तरीबंदरटोका जवळ जलसमाधी मिळाली. त्या नौकेमधील बाळकृष्ण रघुवीर, जयेश रघुवीर, गणेश कुलाबकर हे समुद्राच्या पाण्याजवळ झुंज देत बालंबाल बचावले. मात्र अनिकेत रघुवीर यांची नौका लक्ष्मी व जाळी, पकडून सुमारे १२ ते १५ लाख रुपयांचे नुकसान झाले आहे. नौकेचे मालक अनिकेत रघुवीर आर्थिक संकटात सापडले होते. सदर बुडालेली लक्ष्मी विजय नौका बाहेर काढण्यासाठी जीवना कोळीवाडा येथील येथील सर्वच मच्छीमार व भरडखोल येथील शेकडो मच्छीमार असे पाचशेहून अधिक मच्छीमार आपल्या छोट्या मोठ्या नौका घेऊन मदतीला गेले होते. जीवाची पर्वा न करता आपली बाजी लावून चार ते पाच तास अथक परिश्रम घेऊन ती नौका काढण्यात त्यांना यश प्राप्त झाले. अखेर ती नौका जीवना बंदर या ठिकाणी आणल्यानंतर ती समुद्राच्या पाण्यातून वर काढण्यासाठी शेकडो महिलांनी सहकार्य केले. त्यामुळे एका मच्छीमार बाधंवाची बुडालेली नौका कोणत्याही शासकिय मदतीविना काढून एकीच्या मेहनतीचे बळ काय असते याचे उत्तम उदाहरण मच्छिमार बांधवांनी घालून दिले आहे.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3KMkMPi
https://ift.tt/3KOOhA7