दूध संघ कोणाकडे?, सात जागांसाठी १०० टक्के मतदान; आज निकाल

औरंगाबाद : औरंगाबाद जिल्हा सहकारी दूध उत्पादक संघाच्या निवडणुकीच्या सात जागांसाठी सहा केंद्रांवर शनिवारी मतदान झाले. मतदान प्रक्रिया शांततेत पार पडली असून, काही केंद्रांवर उत्साही मतदारांनी दुपारी दोन वाजेपर्यंतच शंभर टक्के मतदान केले. दरम्यान, सर्व केंद्रावर १०० टक्के मतदान झाले. आज (रविवारी) मतमोजणी होणार असून, सर्व तयारी पूर्ण झाल्याची माहिती सहाय्यक निबंधक (दुग्ध) तुळशीराम भोजने यांनी दिली. गेल्या टर्मप्रमाणे यंदाही दूध संघाची निवडणूक बिनविरोध व्हावी, यासाठी प्रयत्न झाले. त्यासाठी काँग्रेस, भाजप, शिवसेना आदी पक्षसंघटनेचे नेतेमंडळी एकत्र आले. मात्र, त्यांना निम्मे यश आले आणि १४ पैकी ७ उमेदवार बिनविरोध निवडून आले. तर, उर्वरित ७ जागांसाठी मतदान घेण्यात आले. सर्व पक्षीय पॅनल विरुद्ध अपक्ष अशी लढत या निमित्ताने पाहण्यास मिळाली. निवडणूक रिंगणात एकूण १५ उमेदवार आहेत. 'या' जागांसाठी झाली लढत सर्वसाधारण मतदारसंघांपैकी वैजापूर, फुलंब्री, कन्नड व औरंगाबाद या चार तर महिला राखीव २, आणि विमुक्त जाती, भटक्या जमाती व विशेष मागास प्रवर्गातील १ असा एकूण सात जागासाठी सहा मतदान केंद्रांवर मतदान घेण्यात आले. सकाळी आठ वाजता मतदानास सुरुवात झाली. येथील सहाय्यक निबंधक कार्यालयातील मतदान केंद्रावर औरंगाबाद सर्वसाधारण मतदारसंघातील सर्व पक्षीय पॅनलचे उमेदवार आमदार हरिभाऊ बागडे यांनी सकाळी साडेआठ वाजता मतदान केले. त्याच्यासमेवत काँग्रेसचे जिल्हाध्यक्ष माजी आमदार डॉ. कल्याण काळे, बाजार समितीचे माजी सभापती राधाकिसन पठाडे यांच्यासह अन्य पदाधिकारी उपस्थित होते. सर्वपक्षीय पॅनलच्या उमेदवारासाठी सर्व नेतेमंडळी फोनाफोनी करण्यात व्यस्त असल्याचे पाहण्यास मिळेल. १०० टक्के मतदान... जिल्ह्यातील एकूण सहा मतदान केंद्रावर शांततेत मतदान झाले असून निर्धारित वेळेत सर्व केंद्रावर १०० टक्के मतदान झाले, अशी माहिती सहाय्यक निबंधक (दुग्ध) तुळशीराम भोजने यांनी दिली. यात सकाळी दहा वाजेपर्यंत २१ टक्के, तर दुपारी २ वाजेपर्यंत ९७ टक्के मतदान झाले होते. विशेष म्हणजे पाच केंद्रांवर दुपारी दोन वाजेपर्यंतचे १०० टक्के मतदान झाले होते. केंद्रनिहाय मतदान मतदान केंद्र एकूण मतदान झालेले मतदान औरंगाबाद ६२ ६२ पैठण ३८ ३८ वैजापूर ५० ५० कन्नड ४६ ४६ सिल्लोड ५६ ५६ फुलंब्री ९४ ९४ एकूण ३४६ ३४६

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3FZXLoA
https://ift.tt/3IsEm0X