सदाबहार जगण्याचे सूर हरपले! अभिनेते रमेश देव यांचं निधन, गुरुवारी होणार अंत्यसंस्कार

मुंबई : मराठी सिनेसृष्टीतील सदाबहार अभिनेते यांचे बुधवारी संध्याकाळी निधन झाले. ते ९३ वर्षांचे होते. अवघ्या चार दिवसांपूर्वीच रमेश देव यांनी त्यांचा वाढदिवस साजरा केला होता. दरम्यान, त्यांची तब्येत बिघडल्याने त्यांना मुंबईतील धीरुभाई अंबानी रुग्णालयात दाखल करण्यात आले होते. बुधवारी त्यांची प्राणज्योत मालवली. रमेश देव यांच्यावर गुरुवारी दुपारी अंत्यसंस्कार केले जाणार असल्याची बातमी देव कुटुंबियांच्या निकटवर्तीयांनी दिली. रमेश देव () यांनी मराठी तसेच हिंदी भाषेतील अनेक सिनेमांमध्ये काम केले होते. त्यातही पत्नी यांच्यासोबतचे बहुतांश सर्व सिनेमे खूपच लोकप्रिय झाले. रमेश देव आणि सीमा देव यांनी अनेक चित्रपटांसोबत काम केले. या दोघांचे अनेक चित्रपट चांगलेच गाजले. १९६२ मध्ये त्यांनी वरदक्षिणा या चित्रपटात सोबत काम केले. या चित्रपटावेळीच दोघांचं एकमेकांवर प्रेम जडलं. नंतर कशाचाही उशीर न करता त्यांनी त्याच वर्षी लग्न केलं. २०१३ मध्ये या जोडीच्या लग्नाला ५० वर्षे पूर्ण झाली. यावेळीदेखील दोघांमधील प्रेम तेवढेच फुललेले दिसले होते. या वर्षी रमेश देव आणि सीमा देव यांचे लग्नाचे ६० वे वर्षे होते. रमेश देव अखेरपर्यंत आपल्या लाडक्या पत्नीसाठी नवनव्या भेटवस्तू घ्यायचे. रमेश देव यांनी आतापर्यंत २८० पेक्षा जास्त चित्रपटांत काम केलं आहे. रमेश देव यांनी चित्रपटसृष्टीत आपला काळ गाजवला. राजश्री प्रॉडक्शनचा 'आरती' हा त्यांचा पहिला हिंदी सिनेमा होता. आपल्या प्रदीर्घ कारकिर्दीत त्यांनी अमिताभ बच्चन, राजेश खन्ना, शत्रुघ्न सिन्हा यांसारख्या स्टार्ससोबत काम केले. रमेश देव यांचा जन्म ३० जानेवारी १९२६ रोजी अमरावती येथे झाला. देव यांचे आजोबा अभियंता होते. त्यांनी राजस्थानातील जोधपूर पॅलेसच्या उभारणीत मोठं योगदान दिल्याने कोल्हापूर शहराच्या उभारणीसाठी छत्रपती शाहू महाराजांनी देव यांच्या आजोबांना निमंत्रित केलं. त्यामुळे देव कुटुंब कोल्हापुरात स्थायिक झाले. रमेश देव यांचे वडील शाहू महाराजांचे कायदेशीर सल्लागार होते.

from Entertainment News in Marathi: Celebrity News and Gossips Online | Maharashtra Times https://ift.tt/jNPwE84l0
https://ift.tt/rcUtKVoYP