‘ठिपक्यांची रांगोळी’ मालिकेत अभिनेत्री मुग्धा गोडबोलेची एण्ट्री; दिसणार या भूमिकेत

मुंबई: ‘’ या मालिकेला प्रेक्षकांचा भरभरून प्रतिसाद मिळतोय. मालिकेतील प्रत्येक पात्र लोकप्रिय झालं असून कानेटकर आणि वर्तक कुटुंब प्रेक्षकांच्या कुटुंबाचा एक भाग झालंय. लवकरच मालिकेत अपूर्वाच्या आईची एण्ट्री होणार आहे. अभिनेत्री अपूर्वाच्या आईच्या भूमिकेत दिसणार आहे. मुग्धा उत्तम अभिनेत्री तर आहेच; मात्र लेखिका म्हणूनही तिने आपली वेगळी ओळख निर्माण केली आहे. ‘आई कुठे काय करते’ मालिकेचं संवाद लेखन त्या करत असून त्यांच्या लेखनाचं कौतुक होत आहे. मालिकेतील भूमिकेविषयी सांगताना मुग्धा सांगते, ‘ठिपक्यांची रांगोळी ही मालिका प्रेक्षकांना आवडतेय. त्यामुळे या मालिकेचा भाग होताना अतिशय आनंद होतोय. अंजली वर्तक असं या व्यक्तिरेखेचं नाव आहे. या पात्राच्या येण्याने मालिकेत खळबळ उडणार आहे. अशा प्रकारच्या भूमिका माझ्या वाट्याला खूप कमी येतात. आतापर्यंत मी मालिकांमध्ये खूप सोज्वळ व्यक्तिरेखा साकारल्या आहेत. त्यामुळे हे पात्र साकारणं नवं आव्हान असणार आहे. माझा लूकही खूप वेगळा आहे. ठिपक्यांची रांगोळी मालिकेत सर्वच कलाकार दिग्गज आहेत. त्यामुळे त्यांच्यासोबत काम करताना खूप मजा येतेय.’ अपूर्वा वर्तक या पात्राच्या एण्ट्रीने नेमकं काय घडणार हे मालिकेत पाहणं औत्सुक्याचं ठरणार आहे.

from Entertainment News in Marathi: Celebrity News and Gossips Online | Maharashtra Times https://ift.tt/3IPxJXL
https://ift.tt/3q2FGjr