'सूर्या'चा विस्फोट; १५२ चेंडूत विक्रमी धावा आणि मग या कृतीने जिंकले सर्वांचे मन

मुंबई: भारताच्या वनडे आणि टी-२० संघाकडून खेळणाऱ्या सूर्यकुमार यादवने पुन्हा एकदा सर्वांचे मन जिंकले आहे. आक्रमक फलंदाज अशी ओळख असलेल्या सूर्यकुमार यादवने ७४व्या पोलिस शील्ड स्पर्धेत फक्त १५२ चेंडूत २४९ धावांची खेळी केली. सूर्यच्या विस्फोटक खेळीमुळे सामनावीर पुरस्कारने त्याचा गौरव करण्यात आला. पण हा पुरस्कार सूर्यकुमारने अशा एका व्यक्तीला दिला ज्याने सर्वांचे मन जिंकले. वाचा- पोलिस शील्ड स्पर्धेच्या अंतिम सामन्यात सूर्यकुमारने २४९ धावांची खेळी केली. यात त्याने ५ षटकार आणि ३७ चौकार मारले. सूर्यने १४८ धावा फक्त चौकारांनी वसूल केल्या. टीम इंडियाच्या या फलंदाजाने पारसी जिमखाना संघाकडून खेळताना पायेड स्पोर्ट्स विरुद्ध या धावा केल्या. २४ ते २६ डिसेंबर या काळात झालेल्या या सामन्याच्या पहिल्याच दिवशी जिमखाना संघाने ९ बाद ५२४ धावा केल्या होत्या. सूर्यच्या या वादळी खेळीत दोन मोठ्या भागिदारी देखील झाल्या. त्याने प्रथम आदित्य तारे सोबत चौथ्या विकेटसाठी १२४ धावांची तर पाचव्या विकेटसाठी सचिन यादवसह २०९ धावांची भागिदारी केली. पायेड संघाच्या आतिफ अतरवालाने सूर्यकुमारला बाद केले. त्याचे अडीच शतक एक धावाने हुकले. वाचा- लागण वाचा- किती संधी देणार सामनावीर पुरस्कार मिळाल्यानंतर सूर्यकुमारने पुरस्कारची रक्कम ग्राउंड्समॅन दिली. डियन एक्स्प्रेसला दिलेल्या मुलाखतीत सूर्यकुमारने सांगितले की, लोक खेळाडूंना तर प्रेम आणि सन्मान देता. दुसऱ्या दिवशी त्यांचे वृत्तपत्रात नाव येते. पण ग्राउंड्समॅन बद्दल कोणी बोलत नाही. त्यांना त्यांच्या कामाचे श्रेय मिळाले पाहिजे. कोणत्याही सामन्याला मजेदार आणि शानदार करण्यामध्ये ग्राउंड्समॅनचे योगदान मोठे असते. त्याच्या कामाचे कौतुक झाले पाहिजे. वाचा- सूर्यकुमार मुंबईतील अशा काही मोजक्या खेळाडूपैकी आहे जो घरच्या मैदानाला कधी विसरला नाही. जेव्हा जेव्हा संधी मिळते तेव्हा तो अशा स्पर्धेत नक्की खेळते. वाचा- भारताचा संघ सध्या दक्षिण आफ्रिकेत कसोटी मालिका खेळत आहे. या मालिकेनंतर १९ जानेवारीपासून वनडे मालिका होणार आहे. यासाठी सूर्यकुमारने मजबूत दावेदारी केली आहे. वनडे मालिकेसाठी संघाची अद्याप घोषणा झालेली नाही. सूर्यने या खेळीमुळे निवड समितीचे लक्ष निश्चितपणे वेधून घेतले आहे.

from Sports News in Marathi: Latest Marathi News on Cricket, Football, Tennis, Hockey & more | Maharashtra Times https://ift.tt/3FytugT
https://ift.tt/3FAbBP4