कोलंबो : जाफना किंग्जने सलग दुसऱ्यांदा लंका प्रीमियर लीगचे विजेतेपद पटकावले. २३ डिसेंबरच्या रात्री हंबनटोटा येथील महिंदा राजपक्षे आंतरराष्ट्रीय स्टेडियमवर खेळल्या गेलेल्या सामन्यात त्यांनी गॅले ग्लॅडिएटर्सचा २३ धावांनी पराभव केला. २०२० च्या अंतिम फेरीतही त्यांनी गॅले ग्लॅडिएटर्सचा पराभव करत ५३ धावांनी विजय मिळवला होता. वाचा- जाफना किंग्जच्या या विजयात अविष्का फर्नांडो, रहमानउल्ला गुरबाज, टॉम कोहलर-कॅडमोर याशिवाय भारतीय टेनिस स्टार सानिया मिर्झाचा पती शोएब मलिक यांनी महत्त्वाची भूमिका बजावली. पाकिस्तान क्रिकेट संघाचा माजी कर्णधार शोएब मलिकने २१० च्या स्ट्राईक रेटने फलंदाजी केली. तसेच गोलंदाजीतही ३ षटकात फक्त १२ धावा दिल्या. वाचा- नाणेफेक जिंकून प्रथम फलंदाजी करताना जाफना किंग्जने ३ गडी गमावून २०१ धावा केल्या. प्रत्युत्तरात गॅलेने ९ बाद १७८ धावा केल्या. जाफना किंग्जच्या अविष्का फर्नांडोला सामनावीर आणि मालिकावीर म्हणून गौरवण्यात आले. जाफना किंग्जचा सलामीवीर अविष्का फर्नांडो आणि रहमानउल्ला गुरबाज यांनी पहिल्या विकेटसाठी ५६ धावांची भागीदारी केली. गुरबाज ३५ धावा करून बाद झाला. त्याच्या जागी आलेल्या कोहलर कॅडमोरनेही तुफानी फलंदाजी केली. त्याने फर्नांडोसोबत दुसऱ्या विकेटसाठी अर्धशतकी भागीदारी केली. वाचा- फर्नांडो ६३ धावा करून बाद झाला. त्याने ३१ चेंडूत आपले अर्धशतक पूर्ण केले. शोएब मलिकने ११ चेंडूत २३ धावा केल्या. कॅडमोर ४१ चेंडूत ५७ धावा करून नाबाद राहिला. कॅडमोरने ३८ चेंडूत आपले अर्धशतक पूर्ण केले. कर्णधार थिसारा परेरा ९ चेंडूत १७ धावा करून नाबाद राहिला. वाचा- गॅले ग्लॅडिएटर्सनेही चांगली सुरुवात केली होती. सलामीवीर कुशल मेंडिस आणि दानुष्का गुनतिलका यांनी पहिल्या विकेटसाठी ६३ धावांची भागीदारी केली. गुणतिलका २१ चेंडूत ५४ धावा करून बाद झाला. त्यांच्यानंतर बेन डंक खातेही न उघडता पॅव्हेलियनमध्ये परतला. त्यानंतर गॅलेच्या डावाला गळती लागली आणि धावगतीही मंदावली. कुसल मेंडिस (३९) बाद झाल्यानंतर गॅलेची स्थिती बिकट झाली. लक्ष्याचा पाठलाग करताना फलंदाजही दबावाखाली बाद होत राहिले. त्यामुळे आवश्यक धावगतीही वाढत गेली. जाफनातर्फे हसरंगा आणि चतुरंगा डी सिल्वाने प्रत्येकी २ बळी घेतले.
from Sports News in Marathi: Latest Marathi News on Cricket, Football, Tennis, Hockey & more | Maharashtra Times https://ift.tt/3plcMvT
https://ift.tt/3muFed5
0 Comments