ती ४० मिनिटं, मोबाईल फोन अन् ऑस्ट्रेलियाचे दोन क्रिकेटपटू बचावले, कर्णधार पॅट कमिन्सचा मोठा खुलासा...

नवी दिल्ली : ऑस्ट्रेलियाच्या क्रिकेटपटूंबाबत एक भयंकर किस्सा घडल्याचे आता समोर आले आहे. फक्त जर त्या ४० मिनिटांमध्ये ऑस्ट्रेलियाच्या दोन खेळाडूंनी आपला मोबाईल पाहिला असता तर त्यांचं काही खरं नव्हतं, असा खुलासा आता ऑस्ट्रेलियाचा कर्णधार पॅट कमिन्सने केला आहे. नेमकं घडलं तरी काय, जाणून घ्या...इंग्लंडविरुद्धच्या अॅशेस मालिकेसाठी पॅट कमिन्सकडे संघाचे कर्णधारपद देण्यात आले आहे. पण या मालिकेदरम्यानचा एक भयंकर किस्सा कमिन्सने यावेळी सांगितला आहे. कमिन्स पहिल्या कसोटी सामन्यानंतर डीनर करण्यासाठी आपल्या मित्राबरोबर एका हॉटेलमध्ये गेला होता. कमिन्सने यावेळी डीनर करण्यासाठी ऑस्ट्रेलियाच्या संघातील मिचेल स्टार्क आणि नॅथन लायन यांनाही आमंत्रण दिले होते. पण हे दोघे कमिन्सबरोबर डिनरला गेले नाहीत. कमिन्स ज्या हॉटेलमध्ये डिनससाठी बसला होता तिथे त्याच्या बाजूच्या टेबलवर जी व्यक्ती होती तिला करोना झाला होता. ही गोष्ट थोड्यावेळाने सर्वांनाच समजली आणि त्यानंतर कमिन्सला दुसऱ्या कसोटी सामन्यामधून बाहेर व्हावे लागले. करोना झालेल्या व्यक्तीच्या संपर्कात आल्यामुळे कमिन्सला कसोटी सामन्याला मुकावे लागले. जर कमिन्सबरोबर स्टार्क आणि लायन हे दोघे देखील डिनरला गेले असते तर त्यांनाही दुसऱ्या कसोटीमध्ये खेळता आले नसते. पण त्या ४० मिनिटांमुळे हे दोघे बचावल्याचा खुलासा आता कमिन्सने केला आहे. कमिन्सने सांगितले की, " मी डिनरसाठी स्टार्क आणि लायन यांनाही आमंत्रित केले होते. मी त्यांच्या मोबाईलवर त्यांना डिनरसाठी बोलावणे पाठवले होते. पण या दोघांनी ४० मिनिटे मोबाइलच पाहिला नाही आणि त्यामुळे त्यांना मी डिनरला बोलावले आहे, हे समजले नाही. त्यामुळे स्टार्क आणि लायन हे दुसऱ्या ठिकाणी डिनर करण्साठी गेले आणि बचावले. स्टार्क आणि लायन जर माझ्याबरोबर डिनरला आले असते तर त्यांनाही दुसऱ्या कसोटीला मुकावे लागले असते. पण मोबाईल न पाहिल्यामुळे ते बचावले." कमिन्स दुसऱ्या कसोटी सामन्यात खेळू शकला नव्हता, त्यावेळी स्टीव्हन स्मिथकडे संघाचे कर्णधारपरद देण्यात आले होते. पण आता कमिन्स पुन्हा एकदा संघात परतला आहे.

from Sports News in Marathi: Latest Marathi News on Cricket, Football, Tennis, Hockey & more | Maharashtra Times https://ift.tt/3epjsmo
https://ift.tt/3JlvPym